/
Зураг: "Өөрчилж үл болох хувь тавилан" өгүүллэг. (20-р хэсэг.)
Тажимагийн өрөөний эсрэг талд байрлах хаалгыг онгойлговол тэнд бяцхан цэцэрлэгт хүрээлэн харагдах ба дотор нь мөрөг загас хөвөх жижиг цөөрөмтэй болохыг олж үзэх болно. Цаг агаар сайхан үед Тажима тэнд хичээлээ заадаг байв. Өнөөдөр тэд байшин дотор хичээллэж байсан ч онгорхой хаалгаар салхинд сэвэлзэх моддын тааламжтай үнэр ханхалж, гоёмсог цөөрөм дэх мөрөг загас ус руу үсэрч цүлхийх чимээ сонсогдож байлаа. Тажима хөвгүүдээ суулгаад өөрөө сууж өмнө ярьсан яриагаа үргэлжлүүлж эхэллээ.
Мангекёо шаринган гэдэг нь “бодит үнэнийг ил харагч нүд” гэсэн утгатай бөгөөд харааны гэнжүцүд өртөшгүй хүчирхэг нүд юм. 
Мангекёо шаринганы хэрэглэгчийн нүд рүү харсан хүн тэр даруйд гэнжүцүд өртөхөөс гадна хэрэв хэрэглэгч нь хүсвэл мангекёо шаринганаар өрсөлдөгчийнхөө харааны байрлалыг тогтоож хараа төвлөрч буй цэгийн бодит гэрлийг өөрийн нүдний хуурмаг гэрлээр солих замаар гэнжүцүд оруулж болно. Тэрхүү цэг нь гэрэл сайн ойлгох биет байхад хангалттай. Учихагийн мангекёо шаринганы шилдэг дайчид өрсөлдөгчөө зарим тохиолдолд хуруун дэх бөгж, хүзүүний зүүлт, тэр ч байтугай нисэж буй кунай, ширүкэний ирэн дээрх гэрлээр гэнжүцүд оруулж байсан түүх бий. Мангекёо шаринганы гэнжүцү нь энгийн гурван дусалт шаринганаар үйлдэгдэх гэнжүцүгээс огт өөр замаар явагддаг. Учир нь дусал бүр нь хоорондоо холбогдож хэлбэршсэн нүд нь өөрөөсөө онцгой гэрэл цацрааж,  аль нэг тогтсон хараа гэж байхгүй, эргэлтийн бие болох учир хэдэн ч дайсныг гэнжүцүд оруулж болно. Мөн хуурмаг байдлын зангилаа, торлол нь олон давхар бүтэцтэй, түүнээс гарах аргыг зөвхөн хэрэглэгч л мэддэг тул энэ төрлийн шаринганы гэнжүцүд өртвөл үхлээ хүлээхээс өөр замгүй байдаг.
Гэвч ямар ч жүцүд өөрийн гэсэн сул тал гэж бий. “Асар хүчирхэг мэт харагдаж байвч сул тал шигээ эмзэг байдаг” гэдэг нь оргүй зүйл биш. 
Ер нь гэнжүцү хэмээгч хуурмаг байдлын жүцүнээс гарах түгээмэл аргууд байдаг. Хүний биеийн чакра нь мөнхийн урсгал дунд орших бөгөөд хэвийн байдалтай хүний чакра нь тодорхой чиглэлээр тасралтгүй урсаж байдаг. Гэнжүцү нь тэдгээр хэвийн урсгалыг гольдролоос нь гаргах, хэсэгчлэн хаах боох, өөр сувгаар урсгах, зарим хэсгийг нь зогсоох зэргээр нөлөөлснөөс тухайн хүн өөрийгөө хянах чадвараа алдаж буй хэрэг юм.  Хэрэв гэнжүцүд өртөгч нь чакрагаа төвлөрүүлж хэрэглэгчийн удирдаж буй урсгалын өөдөөс урсгах буюу эсвэл чакрагаа хэвийн байдалд нь оруулах хэмжээний хүчтэй бол гэнжүцүгээс гарч болно. Мөн та хоёрын сайн мэддэгчлэн хохирогчид хамтрагч нь биеэр хүрч чакрагаа холбож орхивол гэнжүцү сарнин алга болдог. 
Би Учихагийн удирдагчдын нэгний хувиар гэнжүцүг сайтар судалж, улмаар хөгжүүлж ирсэн шинобигийн хувьд гэнжүцүгийн хоёр том сул талыг нээж мэдсэн хүн. Үүнийг би хэнд ч хэлээгүйн учир нь Учиха овог өнөө цагт дотроо хагаралтай, дайн тулаан тасрахгүй байна. Хэрэв үүнийг бусад шаринганы ашиглагч мэдвэл тэд миний эсрэг тулалдах цагт би ялагдах болно. Энэ бол Мангекёо шаринганы нууц юм. 
Нэгдүгээрт, хэрэв хүчирхэг гэнжүцүгийн хэрэглэгч хохирогчийг өөрийн жүцүдээ оруулж чадсан бол өөрөө жүцүд өртсөнөө анзаардаггүй. Өөрөөр хэлбэл мангекёо шаринганы хэрэглэгч энгийн шаринганы хэрэглэгчийг гэнжүцүдээ оруулсан гэдэгтээ хэт итгэвэл энгийн шаринганы хэрэглэгч ч түүнийг маш амархан гэнжүцүдээ оруулж чадна гэсэн үг юм. "Мэхтийг мэхээр нь хариулж унагаах нь өөрөө мэх хийж унагахаас хялбар байдаг шүү дээ". Та нар ирээдүйд юу ч болсон үүнийг үргэлж санаж яваарай. Гэнжүцү хэрэглэх бүртээ өөрийгөө өөр хүний жүцүн дотор байгаа эсэхийг байнга шалгаж байх хэрэгтэй. Шилдэг хуурмаг ертөнцийг үүсгэсэн нинжа бодит орчноос ялгахын аргагүй адил ертөнцийг бүтээж чаддаг. Хэн ч түүнийг жүцү гэдгийг мэдэхгүй. Та нар өөрсдөөсөө өөр хэн ч үл мэдэх нэг зүйлийг ямагт өөртөө авч яв. Түүгээрээ өөрийгөө жинхэнэ ба хуурмаг ертөнцийн алинд нь амьдарч байгааг тодорхойл. Хөвгүүдээ, та нар одоо ч гэсэн өөрсдийгөө гэнжүцүд өртөөгүй гэж бодож байна уу гэж Тажима асуулаа. 
Эцгийнхээ яриаг анхааралтай сонсож суусан Мадара “Ааваа бид өдөр бүр таны хичээлд ирэхдээ гараа барилцаж гэнжүцү байгаа эсэхийг шалгадаг. Мөн таныг ярьж байхад ч гэнжүцү хэрэглэж байж магадгүй гэдгийг шалгаж шаринганаар бие биенийхээ чакран урсгалыг байнга харж байдаг, та өнөөдөр лав бидэнд жүцү хэрэглээгүй гэж” тэр итгэлтэйгээр хэллээ. 
“Хаха, чамд би эс хэллүү Мадара. Хэрвээ өөртөө хэт итгэвэл жүцүд өртсөнөө анзаарахгүй. Чи яг одоо миний жүцүд орсноо ч  мэдэхгүй яваа. Өнөөдрийн хичээл дууслаа. Маргааш ирэхдээ миний жүцүг тааж олоорой” гээд Тажима бослоо.
Изүна, Мадара хоёр өдөржин толгойгоо гашилгажээ. Эцэг нь жүцү хэрэглэсэн л гэсэн бол үнэхээр тэгсэн л байж таарна. Тэд гэнжүцүгээс гарах энгийн аргууд болох биед нөлөөлөх, чакраг ажиглах зэргээр оролдовч байдал хэвийн л байлаа. Аавынхаа жүцүг яаж мэдэх вэ, тэр тусмаа Мангекёо шаринганаар хийгдсэн энгийн жүцүг ч харахад бэрх. Хэрвээ түүнийг нь олж мэдэхгүй бол дараагийн хичээл цуцлагдана. Яах вэ.
Уд моддын доор хэвтээд өвс зажилж байсан Мадарад гэнэт аавынх нь яриа санаанд орлоо.
“Мэхтийг мэхээр нь хариулж унагаах нь өөрөө мэх хийж унагахаас хялбар байдаг шүү дээ.” Тийм ээ, аав бид хоёрыг өдөр бүр гэнжүцүд оруулж байсан юм бол тэр нэгэнт үүндээ дасал болсон байх болно. Хэрэв бид өөрт нь гэнжүцү хэрэглэвэл тэр огтхон ч мэдэхгүй. Тэгэхлээр бид ердийнхөөрөө хичээлээ эхлэх үед Изүнагийн шаринганаар аавын харааг хаагаад би гэнжүцүг эвдэж бодит байдлыг харахад л болно. Аав Изүнагийн шаринганд баригдаж намайг өөрийнх нь жүцүг эвдсэнийг анзаарахгүй.
Маргааш нь хичээлээ эхлэх үед Тажима “За хөвгүүдээ миний даалгаврыг хийсэн үү” гэж асуулаа. Мадара, Изүна руу харж толгой дохисноо “Аав аа бид чадсангүй ээ, гэвч маргааш гэхэд олох болно. Өнөөдөртөө хичээлээ үргэлжлүүлж болох уу” гээд эцэг рүүгээ асуусан байртай харлаа. Тажима өрөөн дотор хэдэнтээ холхисноо “Тийм дээ, энэ ч та нарын насанд үнэхээр хүнд даалгавар шүү” гээд хичээлээ эхлэхээр бичгийн ширээнийхээ ард суулаа. Онгорхой хаалгаар цэцэрлэгт хүрээлэнгийн ёр бусын байдал сэтгэл татах аж.
Тажима ярьж эхлэхээсээ өмнө минут хэртээ дуугүй суудаг заншилтай бөгөөд энэ үедээ ширээн дээрх ном руу анхааралтай ажиглаж байснаа гэнэт хөвгүүд рүүгээ харж намуухан дуугаар хичээлээ эхлэдэг байжээ. Түүнийг толгой өндийлгөх агшинд Изүна ахынхаа зааснаар эцгийнхээ шаринган нээгээгүй нүдийг өөрийнхөө хоёр дусалт шаринганаар бэлдсэн таван минутын энгийн гэнжүцүд оруулахад тэр хооронд Мадара гурван дусалт шаринганаар аавынхаа нүдэнд харагдаж буй жинхэнэ бодит байдлыг хуулан авч амжлаа. 
Тажима Изүнагийн бэлдсэн занганаас ганц эгшиний дараа гарчээ. “Мадара, сайн байна. Миний өнөөдрийн хичээл дууслаа. Наадхаа дүүдээ харуулаарай” гээд Тажима гарч одлоо.
Үнэндээ ямар ч цэцэрлэгт хүрээлэн гэж байгаагүй аж.
(By Сэнжү Төширама) Дэлгэрэнгүй»
Зураг: Энгийн гэнжүцү.
 Дэлгэрэнгүй»

The Avengers 2012 HD Монгол хэлээр

2104 оны 04-р сарын 14 Нийтэлсэн Nagato

Гоё кино байналээ би үзсэн энэ киноог үзээгүй нэг нь үзээрэй :)

 Дэлгэрэнгүй»

The Pirate Fairy (2014) HD - Монгол хэлээр

2104 оны 04-р сарын 13 Нийтэлсэн Pain

http://www.hdwallpapers.in/walls/2014_the_pirate_fairy-wide.jpg

Шинэ админ авна . Холбоо барихыг хүсвэл миний Феисбүүк : Хишгээ Роки гээд байгаа шүү ...

 Дэлгэрэнгүй»

The Legend of Hercules (2014) HD - Монгол хэлээр

2104 оны 04-р сарын 13 Нийтэлсэн Pain
http://definitelyentertaining.com/wp-content/uploads/2013/12/Hercules-GV-ePoster.jpg
 Дэлгэрэнгүй»

47 Ronin (2013) - Монгол хадмалаар

2104 оны 04-р сарын 13 Нийтэлсэн Pain
http://4.bp.blogspot.com/-TRXa_oJ31QA/Uv3DhSJbCDI/AAAAAAAABN8/j-AS6w0XIvE/s1600/forty_seven_ronin_ver7.jpg
 Дэлгэрэнгүй»
Зураг: "Өөрчилж үл болох хувь тавилан" өгүүллэг. (18-р хэсэг)
Галын улсын нуугдмал Навчит гэх тосгон бий болохоос хорь гаруй жилийн өмнө яг тэр газарт Учихагийн томоохон суурин оршиж байлаа. Тэр үед тосгонд одоогийнх шиг Нинжагийн Академи гэж байгаагүй бөгөөд хүүхдүүд мэдлэгийг голдуу эцгээсээ өвлөн авч харин чадварыг дайн тулааны үед олж авдаг байв. Мэдээж үхчихгүй бол шүү дээ. Тухайн үеийн нөхцөл байдлаас шалтгаалан хүүхэд 16 нас хүрэх нь маш ховор үзэгдэл өөрөөр хэлбэл байнгын дайн тулааны явцад бага насны хүүхэд амиа алдах нь их түгээмэл байжээ. 
Мадара, Изүна хоёр өдөр бүр тогтсон цагт эцгийнхээ өрөөнд очиж нинжүцүгийн тухай хичээл заалгадаг байв. Тэд бага байхдаа кунай, шүрикэн болон илдээр тулалдах мөн гардан тулааны арга барил заалгаж байсан бол шаринган сэрээснээс хойш эцэг нь тэдэнд шинобигийн үндсэн гурван жүцүг зааж эхэлжээ. Эдгээр нь тайжүцү, нинжүцү болон Учихагийн бахархал болсон гэнжүцү юм. Тажима хичээлээ заахдаа хүүхдүүдэд ойлгоход хялбар байлгах үүднээс бодит амьдрал дээрээс жишээ татаж ярих дуртай байв. Энэ нь ч тэдэнд сайн сургууль болдог төдийгүй тогтооход амар байдаг байлаа. Учиха Тажима бол овогтоо гэнжүцүгийн чадвараар нэлээд үнэлэгддэг шиноби байсан учраас хөвгүүддээ голчлон гэнжүцүгийн талаар хичээл заадаг нь тодорхой юм. 
Хүний яриаг сонсож буй сонсогч болон өгүүлж буй өгүүлэгч хоёр маш сайн харилцан ойлголцож чадах гол үндэс нь тайван нам гүм орчин байх ёстой. Тажимагийн гэр тосгоны хөл хөдөлгөөн ихтэй гол гудамжинд байрлах боловч түүний өрөө нь дуу чимээнээс сайтар тусгаарлагдаж чадсан төдийгүй хэрвээ өрөөний эсрэг талд байрлах хаалгыг онгойлговол тэнд бяцхан цэцэрлэгт хүрээлэн харагдах ба дотор нь мөрөг загас хөвөх жижиг цөөрөмтэй болохыг олж үзэх болно. Цаг агаар сайхан үед Тажима энд хичээлээ заадаг байв. Өнөөдөр гадаах агаарын байдал гойд сайхан байсан тул Мадара, Изүна хоёр сайхь цөөрмийн хажууд бичгийн явган ширээ тавьж түүний ард эцгийгээ ярьж эхлэхийг хүлээж суулаа.
“Та хоёр Накано голын усанд орж үзсэн үү. Бүртийх ч үүлгүй цэлмэг өдөр үдийн нар зулай дээрээс шарж зуны аагим халуунд агаарын хэм дээд цэгтээ хүрэхэд гадаах орчин нэлэнхүйдээ цагаан гэгээнд дарагдан сааралтаж, хүн бүр байшингийнхаа цонх хаалгыг онгойлгож орхиод өөрсдөө сүүдэрт сууцгаан, хүйтэн цай, ундаа залгилангаа гадаа ямар их халж байгаа тухай яриа үүсгэн, тэр болгонд нүүрээ ярвайлган хөөрөлдөцгөөж байх үед гол руу явах санаа төрдөгсөн. Очих зам холгүй. Голын эргээр бургас, хайлаас, бутлаг ургамлууд сагсайтал ургаж түүний дундуур сүлжин явж байх зуур голын тэндээс ус шуугин урсах чимээ сонсогдоно. Чийг үнэртээд л. Ийм халуун өдөр голын ус халж нэлээд бүлээсэх боловч хувцсаа тайчин гол руу хэд алхан ороход хэрэндээ даарч ус руу шумбах зориг дутаж хэсэг эргэлзэнэ. Гэвч нэгэнт ирснийх гэж бодоод уртаар амьсгаа авч намуухан долгилох гол руу үсрэн ороод нүдээ нээвэл та хоёр тэнд үнэхээр гайхамшгийг олж харах нь лавтай. Алтан нарны шаргал туяа тунгалаг усыг нэвтлэн голын ёроолыг зүлэг мэт бүрхсэн мянга түмэн өнгийн элс хайрганд тусаж тэдгээр нь алт эрдэнэсийн гэмээр шижиртэн солонгорох нь үнэхээр харах нүдийг баясгана. Уснаас цухуйн гарч уртаар амьсгаа аваад эргэн тойрноо харвал хэт халуунд өнгө нь гундсан өнөөх үзэмжгүй саарал орчин маань амь оров уу гэлтэй унаган өнгө нь туяаран нэг л сайхан харагдах нь гайхалтай. Гэвч үнэн хэрэгтээ гаднах орчин ус чийг авч сэргэсэн юм биш, харин миний нүд усаар дүүрч тэгж харагдаж байгаа болохыг би хожим нь ойлгосон билээ. Энэ бол хуурмаг үзэгдэл бөгөөд бодит үнэнийг бодит байдлаас нь өөрөөр харагдуулж байгаа хэрэг юм. Байгаль дээр ийм үзэгдэл маш түгээмэл тохиолддог байна. Халуун өдөр элсэн цөл газрын хөрс хэт халснаас усны уур газрын мандал дээгүүр хөвөлзөхдөө зэрэглээ хэмээх үзэгдлийг бий болгож тэнд үнэхээр гол мөрөн урсаж байгаа мэт харагддаг. Хэрэв их цас мөстэй газар агаарт нисдэггүй амьтад алхаж явахыг харвал бүү ай. Учир нь тэр бол ойролцоох ууланд яваа амьтдын дүрс мөсний хугарлаас болж тийнхүү харагдаж байгаа юм. Олон зуун жилийн ажиглалтаар хүний нүд нь зөвхөн ойсон буюу хугарсан гэрлийг л харж чаддагийг тогтоожээ. Хэрэв энд ширээ байна гэж харагдаж байгаа бол бид ширээнээс ойж буй гэрлийг л харж байгаа хэрэг болохоос ширээн дээр тусаж буй гэрлийг хэзээ ч олж харж чадахгүй. Бид толинд өөрийгөө харахдаа толиноос ойсон дүрсийг харахаас толинд тусаж буй жинхэнэ өөрийнхөө дүрсийг харж чаддаггүй. Хэрэв толийг хүнхэр гүдгэр хэлбэрт оруулвал бид ч мөн тарган туранхай харагдана. Энэ нь хүний нүдний алдаа буюу бидний амьдрал дэх гэнжүцү юм.
Шинобигийн үндсэн жүцүнүүдийн гуравдугаарт тайжүцү ба нинжүцүгийн дараа гэнжүцү ордог. Гэнжүцү бол хуурмаг байдал гэсэн утгатай. Ер нь жүцү гэдэг нь биеийн дайралтыг өөрөөр хэлбэл биеийн хүч болох хөл гарны дайралтыг хэлдэггүй бөгөөд жүцү хэрэглэгч нь биеийн гурван хүрдэн дээр байрлах энеригийн урсгал буюу чакраг хэлбэржүүлэн өрсөлдөгчдөө нөлөө үзүүлэх чадвар юм. Тайжүцү бол энгийн биеийн дайралтыг чакрагаар дэмжиж сайжруулсан хувилбар. Зарим тохиолдолд хэрэглэгчээсээ хамааран биеийн хатуужил тэсвэр нь ультимет буюу дээд зэргээр идэвхжиж сэнжүцү төлөвт ойртон очих нь бий.
Харин нинжүцү гэдэг нь биеэр урсаж буй чакраг гарын үндсэн арван хоёр барилаар хувирган, үндсэн таван махбодын аль нэгнийг бүтээж өөрт ашигтай байдлыг үүсгэх чадвар юм. Шиноби болгон гал, ус, салхи, газар, аянга гэсэн үндсэн таван элемэнтийн ядаж аль нэгийг үүсгэх төрөлхийн чадвартай байдаг. Манай Учиха овог галын төрлийн жүцү тэр дундаа “Галт бөмбөлөг” жүцүг хэрэглэхдээ гарамгай. Дээд зэргийн чадвартай шиноби хоёр төрлийн элемэнтийг ашиглаж чаддаг ба зарим онцгой нинжа гурван элемэнтийг хольж жүцү хийдэг байсан түүх бий. Газрын улсын удирдагч нар гурван махбодыг хольж шинэ жүцү гарган авсан тухай мэдээлэл саяхан сонсогдсон. Шинобигийн ертөнцийг үндэслэсэн Зургаан аргын төгс мэргэн эдгээр таван элемэнтийг бүгдийг нь ашиглаж чаддаг байснаар барахгүй зургаа дэх арга болох доужүцү буюу харааны жүцүг хэрэглэж чаддаг байжээ. Ирээдүйг тааж хэлэх аргагүй болохоор хожим нь энэ агуу төвшинд хэн нэгэн шиноби тун ч ойртон очихыг би үгүйсгэхгүй. За хөвгүүдээ өнөөдрийн хичээл дууслаа. Та хоёр чакрагаа хувиргаж галын элемэнтээр энгийн жүцү хэрэглэж сураарай. Дараагийн хичээлээр аав нь та нарт гэнжүцү ба түүний тухай маш дэлгэрэнгүй ярьж өгөх болно.” гээд Тажима яриагаа дуусган өндийлөө. Арван нас хүрч яваа балчир Мадарад Зургаан аргын төгс мэргэний тухай эцгийнх нь яриа тун ч их сэтгэгдэл үлдээсэн болохоор тэр хэзээ нэгэн цагт түүн шиг их хүчирхэг болно доо гэж бодоод саяхан танилцсан шинэ найзтайгаа тоглохоор гүйж одлоо. Хүний хувь тавилан гэдэг сонин зүйл шүү, тэр үргэлж түүний төлөө няцалгүйгээр тэмцэгчдэд л боломж олгосон байдаг нь санаандгүй зүйл биш.
(By Сэнжү Төширама)
 Дэлгэрэнгүй»

Naruto Shippuden 358 - Монгол хадмалаар

2104 оны 04-р сарын 11 Нийтэлсэн Pain

http://static.narutospot.net/thumbs/full/53467a1235700.jpg

http://i.imgur.com/4UOlPgL.png

355 - 358 хүртэл ангиудын шууд үзэхийг заслаа.Татаж аваад үзэж болохгүй бол видео тоглуулагчаа солино уу !!!

 Дэлгэрэнгүй»
Зураг: "Өөрчилж үл болох хувь тавилан" өгүүллэг. (17 -р хэсэг)
“Изүна, Мадара та хоёр миний өрөөнд ороод ирээрэй, мартсанаас Мидори, хоол тун ч амттай болж баярлалаа” гэж эцэг нь хэлээд хоолны ширээний араас босож өөрийнхөө өрөө рүү алхан орлоо. Тэр хоёр бие бие рүүгээ сэм харснаа ээж рүүгээ нэгэн зэрэг харвал ээж нь толгойгоо аяархан сэгсэрч “ор, ор” гэж байгаа бололтой толгой дохисноо цааш эргэв. Тажима урлагийн гойд сайхан мэдрэмжтэй, тодруулбал уран зураг тэр дундаа үзэгсэлэнт байгалийн уран зургийг тун ч чадварлаг зурдаг нэгэн байлаа. Түүний өрөөний хананд залуу насных нь хайр дурлалын гал дүрэлзэн асаж байх үеийн хурц өнгийг шингээсэн тун ч үзэмжтэй хэд хэдэн бүтээл өлгөөстэй байдаг билээ. Мадара аавынхаа зураг зурж байхыг олон ч удаа харж хүүхэд насны даган дууриах хүсэлдээ дийлдэж уран зурагт шохоорхон, өөрөө дагаж оролдсоор нэг л мэдэхэд муугүй зураач болжээ. Тажима өрөөнийхөө хойморт буй бичгийн ширээний ард суухад Изүна ахтайгаа түүний өмнө цомцойн суулаа. 
“Мадара, Изүна та хоёр аавынхаа яриаг анхааралтай сонс. Өнөө цагт дайн тулаан ширүүсэж шинобигийн ертөнц бүхэлдээ харанхуй, бараан үед байна. Та нар жинхэнэ Учихагийн ёсоор шаринган сэрээсэн хөвгүүд тул одоо та нартай том эрчүүд мэт ярих цаг нь нэгэнт болжээ. Тэгэхлээр би та хоёрт нүдний тухай өөрийн мэддэг бүхнийг ярьж өгье.
Энэ ертөнцөд хүний нүдээр хийж болдог гурван төрлийн жүцү байдаг ба тэдгээрийг ерөнхийд нь доужүцү гэж нэрийддэг. Эхнийх нь бяакуган буюу бүхнийг нэвт харагч нүд гэгддэг цагаан нүд юм. Энэ чадвар бол кэккэй гэнкай төрлийн заяагдмал авъяас бөгөөд Хиюүга овгийнхонд хадгалагдан ирсэн. Бяакуган нь чакраны урсгалыг шаринганы адил ялган харж болох авч гэнжүцү хийж болдоггүй. Гэвч шаринганаас давуу чанар нь ямар ч хол зайд байгаа зүйлсийг саадгүй харж чадна. Бяакуган нь шаринганы нэгэн адил сайжирдаг ба хамгийн сайн хөгжсөн бяакуганаар шаринганы гэнжүцүг зогсоож чаддаг байлаа. Зарим цаг хугацаанд Учиха Хюүгагийн энэхүү чадварыг хожим аюул тарьж магад гэж сэжиглэн тэдний овгийнхныг хүйс тэмтрэхээр оролдож байсан ч Сэнжү болон Абурамэ овгууд тэднийг хамгаалалтандаа авснаар бидний санаархал эцэс болсон билээ. 
Учиха овог бол шинобигийн ертөнцийг үндэслэсэн бурхан гэгддэг Зургаан аргын төгс мэргэний том хүү болох Индрагийн үр удам.
Индра эцгийнхээ нүдний хүчийг өвлөн авсан бөгөөд түүний нүд чакраг, чакраны урсгалыг ялган харж чадахаас гадна асар их хурц хараатай болгодог. Энэ нүдийг шаринган гэдэг. Шаринганыг зөвхөн Учихагийн цустай хүн л сэрээж, хааж чаддаг бөгөөд дайн тулааны хосгүй зэвсэг юм. Шаринган анх сэрэхдээ айдас, түгшүүрээс үүдэлтэйгээр сэргэдэг бол түүний хөгжил нь өшөө хорсолоор тэжээгддэг билээ. Изүна, чиний одоо харж буй шаринганыг хоёр дусалт шаринган гэдэг бөгөөд чакраны урсгал ба хурдтай хөдөлж буй биетийг ялган харж чадна. Харин ахын чинь шаринган Сэнжүгийн дайчидтай тулалдаж байх үед сайжирч одоо гурван дусалт шаринган болон хувирснаар зарим саадтай гэнжүцүг хийж чаддаг болсон. Өнөөдөр Учихагийн ихэнх дайчид энэхүү гурван дусалт шаринганыг ашиглаж байгаа ч шаринганыг хэрэглэх тусам чадвар нь улам сайжирдаг онцлогтой. Ингэхийн тулд та хоёр өөрийн хамгийн дотны хэн нэгнийг алах хэрэгтэй. Тиймээ, хүн хамгийн эрхэм хүнийхээ үхэхийг өөрийн нүдээр харах нь энэ хорвоогийн хамгийн их уй гашуу ба хамгийн их өшөө хорслыг төрүүлдэг. Өшөө хорсол, уй гашуугаар тэжээгдсэн гурван дусал хоорондоо нэгдэж эргэлдэх хэлбэр бүхий нэгэн нүдийг бий болгоно. Үүнийг мангекёо шаринган гэж нэрлэдэг ба энэ нь одоогоор мэдэгдсэн хамгийн хүчирхэг доужүцүн зэвсэг юм. Учихагийн нууц бүлгэмд мангекёо шаринган сэрээсэн хэд хэдэн дайчид бий. Шийдвэрлэх тулааны үед тэдний хүчийг ашигладаг байсны ачаар бид одоог хүртэл нэг ч тулаанд ялагдалгүй өдийг хүрсэн. Та нарын үргэлж санах ёстой нэг үүрэг бол шаринганаа алдахгүй байх. Шинобигийн ертөнцөд шаринганыг сэрээсэн нүдийг авахын тулд олон дайн тулаан, нууц ажиллагаа болж байсан ч бид хэнд ч шаринганыг алдаж байгаагүй юм. Үнэндээ ганц тохиолдлоос бусдад нь. Үүний нууц нь бид үхэхдээ эсвэл хүнд шархадсан үедээ үргэлж шаринганаа хаадаг байсан. Хаасан шаринганыг Учихагийн цустай л биш бол хэн ч дахин нээж чадахгүй. Харин нээлттэй шаринганыг олзлон авсан хүн овогтоо бүү хэл бусад олон тосгон, улсуудад нэрээ дуурсгах хүчийг олж болно.
Харааны гурван жүцүний хамгийн сүр жавхлант нь Риннэган буюу хүрээлсэн хээтэй нүд. Энэ нүд зөвхөн домогт гардаг бөгөөд Зургаан аргын төгс мэргэн ийм нүдтэй байсан гэдэг. Хэн ч түүнийг хараагүй ба ямар хүчийг агуулдгийг нь хэн ч мэдэхгүй.
Аавынх нь мэддэг бүхэн энэ. Та хоёр өдөр ирэх бүр өсөж том болж байна. Цаг хугацаа өнгөрөхөд та нар энэ хорвоогийн эрээн бараан, зовлонт амьдралын жинхэнэ үнэнийг ойлгох цаг гарцаагүй ирнэ. 
Хүн бүрт өөрийн заяагдсан тавилан гэж байдаг бөгөөд бид өдөр бүр түүний зааснаар амьдарч нэгэн өдөр түүний зааснаар үхэх болдог. Учихагийн заяагдсан тавилан бол "шаринган". Хөвгүүд минь, та нар өөрсдийн шаринганыг эцэст нь тултал сайжруул, хэрэглэ, эзэмш, түүгээр тулалд, түүгээр бахарх, тэгээд хамгийн сүүлд овгийнхоо төлөө баатарлагаар үх. Энэ та нарын шарингантай хамт өнгөрөөсөн хувь тавилан байх болно.”
Хөгжилтэй салхи моддын оройг ганхуулж түүний саглагар ногоон мөчрүүдийг хийсгэн, исгэрэх мэт дуу гаргах аж.
Маргаашнаас нь Мадара, Изүна хоёр тосгоны бусад хүүхдүүдтэй нийлж тоглох болжээ.
(By Сэнжү Төширама)
 Дэлгэрэнгүй»

Зураг: "Өөрчилж үл болох хувь тавилан" өгүүллэг. (16 -р хэсэг),
Мадара дөнгөж естэй л байсан санагдана. Зуны нэгэн өдөр тэр дүүтэйгээ цуг нум сумаар харвах бэлтгэл хийж байлаа. Тэд Учихагийн сууринд бусад айлын хүүхдүүдтэй ер найзлахгүй, зөвхөн хоёулаа л бэлтгэл хийж хоёулаа л тоглодог байлаа. Гэхдээ бараг жилийн өмнө гурвуулаа тоглодог байсан л даа. Модонд бэхэлсэн байг алсаас сумаар онож харвах тэмцээнд хэн нь мэргэн болохоо үзэх гэж өдөржин өрсөлдөх бөгөөд тэр болгонд ах нь ялна. Ах нь ямар ч холын зайнаас үргэлж бай бүрийн яг голд нь онохоос гадна далд байрлуулсан байг ч тун мэргэн онодог ажээ. Изүна ахыгаа нумаар харвалдаад дийлэхгүй гэдгээ мэддэг ч ганц ч болов удаа ялж үзэхийг хүсчээ. Тэгээд Мадарад хандаж “Ахаа, та тэр модны урд зогсож бай. Би таны толгой дээр алим тавьж байгаад харвая. Хэрвээ алимыг яг оновол та ялагдсан шүү” гэхэд Мадара инээж “За яахав тэг л дээ, гэхдээ алдаад ахынхаа толгойг алим болгочихов доо дүү минь” гэв. Хөгжилтэй салхи моддын оройг ганхуулж түүний саглагар ногоон мөчрүүдийг хийсгэн исгэрэх мэт дуу гаргах аж. Мадара ойролцоох модны урд зогсоод толгой дээрээ нэг том улаан алим тавьжээ. Изүна түүнээс яг хорин алхам зайд зогсоод сумаа гарган, нумаа татаж ахынхаа толгой дээрх алим руу ониллоо. Уг нь тэр энэ тэмцээнийг санаачлахдаа их л зоримог байсан ч яг одоо хорин алхам зайд байгаа ах руугаа сум чиглүүлж зогсохдоо ахыгаа оночихвол яана аа гэж бодоод хулчийжээ. Салхинд сэвэлзэх уд модны доор зогсоод сумны өөдөөс нүд цавчилгүй ширтэх ах нь үхлээс ч үл айхаар сүрлэг харагдана. Гэвч ахин нэг удаа ялагдах хүсэл түүнд байсангүй. Нумаа хүчлэн татаж байхад гар нь үнэхээр чичирч байсан ч тэр сумаа тавьчихлаа. Эрчлэн татсан нумын хөвчнөөс сум дүүлэн гарч хурц улаан зэвээрээ агаарын сийрэг урсгалыг зүсэн нисэж явсаар Мадарагийн толгой дээрх алим руу биш яг ахынх нь баруун нүд рүү чиглэн одохыг Изүна харлаа. Одоо гар нь чичрэхээ больжээ. Өршөөлгүй сум ниссээр, ниссээр маш удаанаар нисэж байх нь сонирхолтой. Сум яагаад ийм удаанаар нисэж байгаа, мөн ах нь яагаад нүд рүүгээ чиглэж буй сумнаас бултахгүй зогсоод байгааг хараад тэр алмайрч орхив. Сум арван найман алхам зайг туулж Мадарагийн нүдийг гарцаагүй онох нь ойлгомжтой болж ирэхэд Изүна хамаг чадлаараа “Ахаа” гэж хашгирлаа. Мадара огтхон ч хөдлөсөнгүй, бүр Изүнагийн дууг сонсохгүй байгаа мэт урдын адил хөшөө шиг зогссоор. Изүнагийн нүдэнд айдас тодорч, царай нь үхсэн хүний адилаар цонхийн цайж, аажмаар нүдэнд нь нулимс цийлэгнэж эхэлжээ. Ган улаан зэв арван есөн алхам зайг туулж цуцалтгүй урагшилсаар Мадарагийн баруун нүднээс алга дарам хэртэй ойртож ирэхэд ах нь толгойгоо огцом эргүүлснээ, түүний түргэн хөдөлгөөнөөс болоод толгой дээрээс нь доош унаж буй алимыг зүүн гарынхаа хуруугаар нэгэнтээ няслахад тэр алим дүүгийнх нь бодлогогүй тавьсан суманд оногдон бут үсэрлээ. “Дүү минь дээ, бяраа таниагүй байж бяруу сүүлдэв гээч л болох дөхлөө. Миний шаринган Тобирамагийн кунайд шархаддаг өдөр сэргэсэн. Харин чи нум татах бэлтгэлээ сайн хийх хэрэгтэй байна. Чиний гар хэрхэн чичирч байгааг би харсан шүү.” гээд Мадара хөхөрлөө. 
“Ахаа, та яаж чадав аа. Намайг ямар их айсан гэж бодно. Гэхдээ саяын сум яагаад тийм удаан нисээд байсан бэ” гэж дүү нь нулимсаа арчин өгүүлэхэд зүлгэн дээр хэвтээд өвс зажилж байсан Мадара өндийж “Яалаа гэнээ, сум удаанаар нисэж байхыг хараа юу”, “Тийм ээ, ах аа. Сум алхам алхмаар тань руу ойртож байхыг харсан ч би хөдөлж чадаагүй”, “Нааш ир дээ, миний дүү” гэж Мадара хэлэхэд Изүна ойртон очлоо. Ах нь дүүгийнхээ толгойг өвөр дээрээ хэвтүүлээд нүдийг нь харвал нүднийх нь голын хүүхэн хараа нь хоёр хуваагдаж зах руугаа шилжсэн байлаа. 
“Тийм дээ, чи сая үнэхээр их айжээ. Чамайг сайн айлгая гэж би зориуд бултаагүй юмаа. Учихагийн шаринган нь айдас, шаналал дээд цэгтээ тулсан үед л сэргэдэг юм. Дүү минь, чиний шаринган сэргэжээ. Баяр хүргэе.”, “Тийм үү, ахаа. Ямар гое вэ. Аан, та намайг дандаа ялдаг байсныг би одоо л ойлголоо, өнөөдрөөс та миний жинхэнэ өрсөлдөгч тийм үү, шаринганы эсрэг шаринган, шударга тулаан тийм биз дээ ахаа.”, “Тийм ээ, миний дүү. Өнөөдрийн бэлтгэл дууслаа. Хоёулаа гэртээ харья. Аав чиний шаринган сэргэснийг дуулаад лав баярлах байх” гэлээ.
Учихагийн суурин Галын улсын баруун өмнөд бүсэд байрладаг өөрөөр хэлбэл урд талаараа Цайны нутаг, хойд талаараа Толгодын нутаг, баруун талаараа Салхины улс, хойд талаараа Модны улстай хиллэдэг байлаа. Цайны нутаг болон Толгодын нутаг нь дундыг барьсан жижиг улсууд тул аюулгүй, харин Учиха нь Салхины улс болон Модны улстай үргэлж дайсагналцсан харилцаатай байдаг байжээ. Өнгөрсөн олон арван дайн тулааны явцад Учиха үргэлж ялалт байгуулан нэг ч удаа ялагдаж байгаагүйн ачаар Галын улсын бараг тал хувийг эзэлж чаджээ. Удмын дайнч, дайны одтой тэдний тулааны гол чадвар нь муу ёрын нүд гэгддэг “шаринган” байсан юм.
Учиха Тажима овогтоо нэлээд дээгүүр байр суурь эзэлдэг удирдагч. Тэднийх тосгоны гол гудамжинд суудаг багагүй чинээлэг айл байлаа. Мадара дүүгээ нуруундаа үүрээд элдвийг ярилцан явсаар гэрийнхээ хаалгаар орж ирэхэд хоолны ширээ засаж суусан Мидори эргэж “Хөөх, за та хоёр ойрдоо яагаад ингэж оройтоод байна. Оройн хоолноос хоцорч болохгүй гэж би хэлсэн байхаа. Мадара, чи жаахан дүүгээ дагуулаад ингэж оройтож болохгүй за юу. Ойрдоо гадуур янз янзын л юм сонсогдох болж. Дараа битгий ингэж оройтоорой, ойлгосон уу, миний хүү” гэж нэлээд санаа зовсон байртай өгүүлэхэд дүүгээ нуруунаасаа буулгаж байсан Мадара “Ойлголоо ээжээ, ахиж оройтохгүй ээ” гэлээ. 
Хоолны ширээний ард нэгэн гэр бүлийн дөрвөн хүн сууна. Урд тавуулаа байлаа, одоо дөрвүүлээ. Мидоригийн санаа зовох нь ч аргагүй. Ойрхноос энэ хавиар Сэнжү ба Шимурагийн туршуулууд мэр сэр үзэгдэх болж нэг л ёозгүй, түгшүүртэй уур амьсгал мэдрэгдэх болжээ. Тажима бол ухаалаг, өршөөнгүй, халамжтай басхүү нэлээд эрдүү дайчин, сайн гэрийн эзэн боловч сүүлийн үед хоолны ширээний ард бодол болон суух нь олширчээ. Ээжийнхээ гарын хоолыг амтархан идэж суусан Мадара гэнэт санав бололтой “Ааваа, өнөөдөр Изүнагийн шаринган сэргэсэн” гэвэл хоолны ширээ рүү гөлөрч суусан Тажима “Аан, сайн байна миний хүү, шаринган сэрээсэн хүү бол хамгийн сайн хүү шүү” гээд дүүгийнх нь толгойг иллээ. Гэсэн ч эцгийнх нь зүрх сэтгэлийн гүнд ямар нэгэн гунигт дурсамж түүнийг зовоож, хааяа гүнзгий санаа алдах буюу ийнхүү удтал бодол болон суулгадаг гэдгийг Мадара мэдэж байлаа. Тэр эмтлэгдсэн дурсамж бол Мадарагийн хамгийн бага дүүгийн үхэл байсан юм.
(by Сэнжү Төширама)

За энэ улирлынх гарч эхэллээ.

 Дэлгэрэнгүй»

Dragonball Z-The movie battle of Gods Шууд үзэх Монгол хадмал

2104 оны 04-р сарын 09 Нийтэлсэн Nagato

За Dragonball Z-The movie Battle of Gods гэх киноог нь шууд үзэхээр тавилаа. Монгол хадмал

 Дэлгэрэнгүй»

Subway Surfers PC

2014 оны 04-р сарын 04 Нийтэлсэн Nagato

Хүмүүс РС тоглоом тавиулахыг их хүсдэг байх гэж бодоод андройд утасны тоглоом болох subway sufers РС хувилбар нийтэллээ.

 Дэлгэрэнгүй»

Хааны нар СОАК 1-р анги

2014 оны 04-р сарын 04 Нийтэлсэн Nagato

haani nar.jpg

Энэ СОАК үзээгүй хүн байвал заавал үзээрэй Бас би шууд үзэхээр тавилаа.

 Дэлгэрэнгүй»

Naruto Shippuden 357 - Монгол хадмалаар

2014 оны 04-р сарын 04 Нийтэлсэн Pain

http://dailyanimeart.files.wordpress.com/2014/04/kakashi-and-itachi.jpg?w=672&h=372&crop=1

http://www.saiyanisland.com/news/wp-content/uploads2/2014/03/ANBU-Itachi.png

Шууд үзэх нэмэгдлээ ....

 Дэлгэрэнгүй»

Зураг: Өөрчилж үл болох хувь тавилан өгүүллэг, 9-р хэсэг.
Олон жилийн турш нууц Манан тосгон гэж нэгдсэн улс бий болоогүй байлаа. Усны улс “Голын” гэгдэх нэгэн том арал ба түүнийг хүрээлэн тогтсон найман жижиг арлаас бүрдэж арал бүр өөр өөрийн бие даасан овог байдалтай байв. Жинин залуудаа тосгоны хамгийн авъяаслаг шиноби гэгдэж усны төрлийн хориотой жүцүг сайтар эзэмшсэн тул овгоо удирдах болж сүүлд Мизүкагэн суудалд нэр дэвшиж байсан ч удаа бий. Гэвч тэр угийн эгэл, тайван амьдралд дурладаг нэгэн тул газрын эздээс хэсэг газар өвлүүлэхийг хүсэж тэд ч ёсоор болгожээ. 
33 жилийн өмнө “Халуун хүйтэн рашааны нутаг”-т эх газраас нэгэн хүн ирсэн билээ.Тэр Жининд өөрийгөө тэнгисийн загасчин бөгөөд далайн шуурганд төөрсөн гэж хэлжээ. Өвгөн ч тэр үед ид залуу байсан тул загасчинг өрөвдөж гэртээ хэд хоног зочлоход зочин нутагтаа буцах дургүй бөгөөд нутагт нь дайн болж байгаа тул дайнаас зугатаж яваагаа хэлээд, энд амьдарч болох эсэхийг асуужээ. Жинин ч дуртай зөвшөөрч ахин хэд хоног болоход, зочин “Би загасчин хүн. Загас барьж явахад далайн шуурганд цохиулж завь хөмрөх, төөрөх, гэмтэх,далайн дээрэмчидтэй тулалдах зэрэг асуудал байнга тулгардаг. Та надад усан жүцү зааж өгнө үү” гэж гуйжээ. Жинин тэрхүү нууцлаг хүний зорилгыг ойлгож өөрийн багш, сүүлд анхны Мизүкагэ болсон Голын арлын Сэйрү сама-д шавь оруулж өгчээ. Нөгөөх залуу баярласан талархсанаа хэлж заавал дахин уулзана гэдгээ амлаад, өөрийнхөө нэрийг Сэнжү Хаширама гэж хэлсэн байна.
Өвгөн Жинин уул өөд нэгэн жижиг горхийг өгсөн алхаж явна. Тэр Мадарагийн яриаг сонсоод, үхэх гэж байгаа хүн худлаа хэлэхгүй гэдгийг сайтар ойлгож байсан ч, энд олон эргэлзээтэй зүйл байгааг мэдэрч байлаа. 33 жилийн өмнөх Сэнжү Хаширама бол өдийд өөр шиг нь зөнөсөн өвгөн болсон байх ёстой атал хэрхэн цэл залуу Мадараг ийм болгон шархдуулж дөнгөх билээ. Тэгээд ч Мадарагийн ярьснаар Хаширама бол өөртэй нь нас чацуу хүн гэнэ. Дээр нь Мод удирдаж чаддаг шиноби. Тэр амьдралдаа ийм зүйл сонсож байсангүй. Мод бол газрын арга барил болон усны арга барилын нийлмэл цогц амьд биет. Шинобигийн түүхэнд амьгүй зүйлсийг удирдаж болдог, тэр ч бүү хэл амьтадтай цусан гэрээ хийж туслалцаа авах буюу эсвэл хүчирхэг гэнжүцү, доужүцү, кинжүцү ашиглан амьтадыг удирдаж болох боловч ургамлыг удирдаж байсан түүх байхгүй. Гэсэн ч Мадарагийн бие үнэхээр мод болон хувирч байгаагаас үзвэл модыг эрхшээж чадсан хүн байдаг бололтой. Анх, охин нь Мадараг олсон байхад хөгшин Жинин очиж үзээд эргэлзээгүй чакраны өвчин туссаныг мэджээ. Түүний биеийг үл мэдэгдэх ургамлын хүч эзэмдэж чакраны гол хүрдэн дээр нь шимэгчилэн, хөдлөх амьсгалах бүрт нь биеийг нь бага багаар бүрхэж байлаа. Хэрэв Мадара хөдлөх, босох гэж оролдвол чакраны зарцуулалт ихсэн, биологийн хувиралт гэнэт түргэсэж биенээс нь олон үндэс, мөчир салаалан дэлгэрч асар хурдан хугацаанд нэгэн бутлаг ургамал болон хувирах аюултай. Гэвч яаж энэ бүхэн болов. 
Мадара цээжин дэх шархаа шатаасан модны хэлтэрхийгээр бөглөхөд арьс, мах, судаснууд нь шажигнан түлэгдэж цус тогтсон ч модны хэсгүүд биеийнх нь чакраны судлуудтай сайтар гагнагдаж өгсөн байна. Модлог ургамал бол үргэлж шим тэжээл нэхэж байдаг бөгөөд үндэс, мөчир, навчаараа бүхнийг бүрхэн далдалж, аажмаар сорж мод болгон хувиргах чанартай боловч шим тэжээл нь хангалттай үед бусад биетүүдэд тэдгээр үндэс мөчрөөрөө шим тэжээл дамжууан тэтгэдэг билээ. Мадара эхлээд голоор дараа нь далайгаар урсаж явахад шархыг нь таглаж байсан модны эд, эсүүд хангалттай чийг авч нарны гэрэлд ээгдсэнээр фотосинтезийн урвал явагдан, байгалийн энерги буюу сэнжүцү чакра “үйлдвэрлэж” түүний чакраг тэтгэж байсан ч модны чакра нь Мадарагийн чакраг цаг, минут бүрт хувиргасаар байсан юм.Хэрэв шархаа тагласан модыг нь хуулан авбал судал дэх чакраны урсгал тасарч тэр шууд үхэх болно. 
Өвгөн Жининийг гэрээсээ гарах үед цагаан даавуугаар боосон Мадарагийн биеэс зулзаган нахиа ургаж, ороосон даавууны завсраар ногоон навчнууд нэг нэгээрээ цухуйж байлаа. Ургамлын аймшигт өвчинд нэрвэгдэж, нүдээ хөдөлгөх бүрийд нь маш өчүүхэн хэмжээгээр ч гэсэн урагшилж байгаа модны эд, эсээс үхтлээ айсан Мадараг хараад хөгшин Жинин хэлэхдээ “Би чамайг эмчилэх аргыг олохоор Сэнто уул руу явлаа. Очих замдаа бараг хоёр хонох биздээ.Чамд гурван өдрийн нас бий, хэрэв өчүүхэн төдий л хөдлөвөл тэр хугацаа хоёр дахин багасах болно. Намайг ирэхэд чамд чиний өөрийн чакранаас хувираагүй, ганц дусал хэртэй хувь үлдсэн л байвал чамайг анагааж чадах байх, үгүй ч байж мэднэ. 3 хоногийн дараа намайг ирэхгүй бол бүү гомдоорой” гээд Мадарагийн биенээс нэгэн жижиг нахиаг огтлон аваад гарч оджээ. 
(by Сэнжү Төширама)

Уншигчийн хүсэлтээр "Өөрчилж үл болох хувь тавилан" өгүүллэгийг Англи хэл дээр хүргэж байна

 Дэлгэрэнгүй»